Dáleiðsla getur hjálpað á marga vegu. Hún styður fólk við að losa um kvíða, streitu og tilfinningalega spennu, styrkir sjálfstraust og hjálpar til við að byggja upp jákvæðari sjálfsímynd. Með dáleiðslu má vinna með slæmar venjur, ótta eða fælni, bæta svefn og stuðla að meiri innri ró og jafnvægi. Hún getur einnig haft jákvæð áhrif á líkamlega kvilla sem tengjast streitu eða spennu, svo sem verkjum, meltingartruflunum eða húðvandamálum. Margir nýta dáleiðslu til að efla einbeitingu, hugrekki og frammistöðu eða til að skapa hollari lífsstíl og sjálfsmeðvitund í daglegu lífi.

Við vinnum áfram með vandamálið, förum yfir árangur og prófum nýjar aðferðir til að ná enn betri árangri.

Dáleiðsla hefur verið notuð með góðum árangri til að flýta fyrir bata fyrir og / eða eftir aðgerðir eða lyfjameðferðir. Aðferðirnar sem notaðar eru voru hannaðar af Garry Coles dáleiðara sem vinnur á Krabbameinsdeild NHS í Bretlandi þar sem hann vinnur með læknum og hjúkrunarfræðingum að hjálpa krabbameinssjúklingum að ná skjótari bata. Hann hefur stundað rannsóknir á dáleiðslumeðferðum sínum á spítalanum með læknum þar og niðurstöðurnar sýna að dáleiðsla hefur mjög jákvæð áhrif á bata, hvenær sem hún er nýtt í krabbameinsmeðferðinni. Dáleiðslan getur einnig hjálpað til með að losa um og vinna úr kvíða og andlegri vanlíðan sem fylgir oft erfiðum / langvinnum veikindum.

Hefur þú verið að berjast við viktina í langan tíma en ekkert virðist virka. Með því að endurforrita huga þinn og hugsunarhátt og fara í gegn um sýndarmagabands aðgerð þá getur þú notið þess að léttast án þess að þurfa binda þig við flókna matarkúra eða fara svo langt að fara í stóra og jafnvel dýra aðgerð. Hefur þú verið að kljást við súkkulaðifíkn, nammifíkn, kökur, snakk eða annað sem þú veist að gerir þér ekki gott og vilt losna við? Það er auðvelt í dáleiðslu að kveðja óvelkomna ávana og matarfíkn. Innifalið í tímanum er dáleiðsla í eigin persónu og svo upptaka til að hlusta á, á hverjum degi (í lágmark 3 vikur). Léttara líf - hugræn magaermi er sársaukalaus aðferð sem stillir huga og líkama saman á fallegann hátt. Fyrsti tíminn kostar 35.000 kr og endurkomur 22.000 kr skiptið (heildarfjöldi skipta oft á bilinu 3-4 skipti).

Ert þú með fóbíu sem þú vilt losna við? Margir læra að lifa með fóbíum og haga lífi sínu þannig að fóbían snerti þeirra líf sem minnst. Stundum er það auðvelt og fóbían hefur lítil sem engin áhrif á lífið en stundum er það ekki hægt og fóbían truflar jafnvel daglegt líf. Dáleiðsla er sársaukalaus leið til að losna við þessar ranghugmyndir úr huganum og frábær leið að auðveldara lífi. Fóbíur geta verið margskonar, td: pöddu/geitunga/kóngulóafóbía, flughræðsla / bílhræðsla, fóbía við snertingu eða hljóði, sýklafóbía, lækna / tannlæknafóbía og svo lengi mætti telja. Í sumum tilfellum þarf fleiri en 1 skitpi. Fyrsta koma er 27.000 kr og endurkoma er 22.000 kr.

Fyrrilífsdáleiðsla er djúp innri ferð þar sem þú getur skoðað sögur, tilfinningar eða mynstur sem kunna að liggja djúpt í undirmeðvitundinni. Markmiðið er ekki endilega að sanna fyrri líf, heldur að nota reynsluna til að öðlast innsýn, skilning og lækningu í nútímanum. Með slökun og leiðsögn getur þú opnað fyrir dýpri vitund, aukið sjálfsskilning og fundið frið gagnvart því sem áður var óútskýrt eða óljóst.

Dáleiðsla getur hjálpað börnum og unglingum að finna meiri ró, sjálfstraust og innri styrk, sérstaklega þegar þau glíma við kvíða, svefnvanda, einbeitingarerfiðleika eða óöryggi. Með dáleiðslu lærir barnið að slaka á, tengjast eigin tilfinningum og takast á við hugsanir á jákvæðari hátt. Hún getur einnig hjálpað til við að draga úr ótta eða spennu, bæta líðan og skapa betra jafnvægi í daglegu lífi.

Vinsamlega veldu dag sem hentar þér, en bókaðu í fyrsta lausa tíma dagsins. Ég hringi yfirleitt eftir klukkan 16. Í símtalinu getur þú spurt um dáleiðslu og við getum komist að því hvort hún henti þér eða þínu vandamáli.