Stefán S. Stefánsson

Hafdís býður upp á einkakennslu í almennum gítarleik, ukelele fyrir byrjendur,
rafgítar, djassgítar, djasshljómfræði, nótnaskrift í tölvu, tónheyrn, tónfræði,
útsetningum og tónsmíðum.
Hafdís lauk kennaranámi og burtfararprófi á djassgítar frá Tónlistarskóla FÍH og er með meistarapróf í tónsmíðum frá Konunglega tónlistarháskólanum í Kaupmannahöfn. Hún starfar sem gítarleikari, tónskáld og tónlistarkennari og hefur komið víða fram hérlendis og erlendis. Hafdís hefur gefið út þrjár sólóplötur og samið fjölbreytt verk fyrir hljómsveitir, kvikmyndir og ýmis listaverkefni.
Hafdís býður einnig upp á fjarkennslu.

Hafdís Bjarnadóttir

Daníel býður upp á einkakennslu í almennum gítarleik, rafgítar og bassa fyrir byrjendur jafnt sem lengra komna.

Daníel útskrifaðist á rafgítar frá Tónskóla FÍH árið 2012 og sem tónskáld frá Listaháskóla Íslands árið 2016. Hann hefur verið virkur í íslensku tónlistarlífi sem gítar- og bassaleikari, tónskáld og útsetjari. Hann hefur komið fram með fjölmörgum listamönnum og leikið inn á upptökur fyrir plötur, sjónvarp og kvikmyndir.

Daníel Helgason

Íris býður upp á einkakennslu í píanóleik, söng og þverflautu.

Íris er þverflautuleikari, píanóleikari, söngkona og tónskáld og útskrifaðist í tónsmíðum frá Listaháskóla Íslands árið 2020. Hún hefur stundað tónlistarnám hérlendis og í Noregi og verk hennar hafa verið flutt á Íslandi, í Noregi og á Ítalíu. Íris starfar sem tónlistarkennari, undirleikari, tónskáld, útsetjari og kórstjóri.

Íris Rós Ragnhildardóttir

Pálmi býður upp á einkakennslu í píanóleik fyrir byrjendur jafnt sem lengra komna. 

Pálmi hefur starfað sem atvinnutónlistarmaður frá árinu 1984 sem píanóleikari, útsetjari, tónlistarstjóri, lagahöfundur og kennari. Hann hefur tekið þátt í fjölda verkefna fyrir sjónvarp, útvarp og leikhús og leikið með fjölmörgum listamönnum. Pálmi hefur einnig starfað við tónlistarkennslu og sem meðleikari við Listaháskóla Íslands og FÍH.

Pálmi J. Sigurhjartarson

Hjalti býður upp á einkakennslu í píanóleik, tónsmíðum, tónfræði og öðrum kjarnagreinum. 

Hjalti lauk BMus-gráðu í píanóleik frá Listaháskóla Íslands árið 2021 og hefur einnig stundað framhaldsnám í tónsmíðum. Hann hefur komið fram sem píanóleikari hérlendis og erlendis og unnið fjölbreytt verkefni sem hljóðfæraleikari og tónskáld. Hjalti hefur kennt píanóleik, tónsmíðar og kjarnagreinar við fjölmarga tónlistarskóla.

Hjalti Þór Davíðsson

Heiðar Ingi

Heiðar Ingi býður upp á einkakennslu í píanóleik og gítarleik fyrir byrjendur og yngri nemendur. 

Heiðar Ingi hefur stundað nám í klassískum gítarleik og rafgítarleik við Tónlistarskóla FÍH, auk söngnáms í Complete Vocal Technique. Hann hefur áralanga reynslu af starfi með börnum, meðal annars við leiðsögn og sérkennslu. Heiðar hóf tónlistarkennslu í Tónholti árið 2022.