Tinna Sif Sigurðardóttir

Nudd 60 mín.

Nudd 75 mín.

Sómatísk nándar- og kynlífsmarkþjálfun er fyrir einstaklinga sem vilja kynnast eigin líkama, mörkum og löngunum betur og skapa meira öryggi, frelsi og tengingu í nánd og kynlífi.

Ólíkt hefðbundinni markþjálfun eða samtalsmeðferð byggir sómatísk nálgun ekki aðeins á því að tala og hugsa um upplifanir og atburði. Líkaminn er virkur þátttakandi í ferlinu og við gefum gaum að skynjun, viðbrögðum og þeim upplýsingum sem birtast í líkamanum frá einu augnabliki til annars.

Markþjálfunin getur meðal annars stutt þig ef þú:
- Átt erfitt með að finna eða tjá hvað þú vilt eða þarft
- Vilt verða skýrari í að finna og tjá eigin mörk
- Upplifir fjarlægð frá líkamanum, löngunum eða ánægju
- Finnur fyrir skömm, óöryggi eða mikilli sjálfsvitund í nánd
- Átt erfitt með að taka á móti nánd eða snertingu
- Vilt dýpka ánægju, sjálfstjáningu og tengingu við sjálfa/n þig og aðra.

Tímarnir byggjast á samtali, líkamsvitund og fjölbreyttum æfingum. Við getum meðal annars unnið með skynjun í líkamanum, öndun, hreyfingu, langanir, samskipti, mörk og samþykki, sómatískt já og nei og hæfnina til að biðja um og taka á móti því sem þú vilt.

Hver tími er einstaklingsmiðaður og mótaður út frá því sem þú vilt kanna. Þú ert alltaf í vali um hraða og framvindu.

Þetta er markþjálfun og fræðsla, ekki kynlífsþjónusta og ekki staðgengill fyrir læknis- eða sálfræðimeðferð.

Fyrsta skrefið er kynningarsamtal áður en fyrsti tími er bókaður.
Nánari upplýsingar: tinnasif.com

Sómatísk Nándar- & Kynlífs markþjálfun

Hefur þú áhuga á sómatískri nándar- og kynlífsmarkþjálfun? Ef svo er bókaðu frítt kynningarsamtal (myndsamtal í netheimum) þar sem þú getur spurt spurninga og ég segi þér nánar frá tímunum.

Frítt kynningarsamtal (f. markþjálfun)

Líkamsljóð er djúp og skapandi upplifun þar sem líkami þinn verður innblásturinn að persónulegu ljóði.

Stundin hefst á bolla af kakói eða jurtate, þar sem við gefum okkur tíma til að koma okkur í ró og skoða þann ásetning sem þú kemur með inn í rýmið. Þaðan leiðir líkaminn okkur áfram.

Í gegnum nærveru, hlustun og einfalda sómatíska leiðsögn skapast rými þar sem orð fá að spretta upp úr því sem líkaminn tjáir frekar en því sem hugurinn reynir að útskýra.

Margir upplifa meiri skýrleika, mildi gagnvart sjálfum sér og dýpri tengingu við eigin innri rödd.

Þú ferð heim með einstakt ljóð sem endurspeglar þína upplifun og getur fylgt þér áfram.

Líkamsljóð

Tímarnir byrja alla jafna á rólegu spjalli og lendingu, ásamt tei eða kakói ef fólk vill. Þar gefst rými til að fara yfir hvað þú vilt vinna með, ef eitthvað sérstakt er til staðar. Sumir koma með ákveðin viðfangsefni, á meðan aðrir koma einfaldlega til að fá djúpa slökun, endurnæringu og rými til að lenda í sjálfum sér.

Í framhaldinu tekur við heilunarvinna þar sem ég flétta saman shamanískri heilun, Reiki og öðrum aðferðum sem ég hef lært í gegnum tíðina. Í lok tímans gefst síðan stund til að ræða upplifunina, það sem mögulega kom upp og hvernig þér líður eftir tímann.

Sú shamaníska heilun sem ég hef lært horfir á manneskjuna sem heild — líkama, orkukerfi, tilfinningar og lífsreynslu. Hún getur stutt við dýpri slökun, aukna tengingu við sjálfa/n sig og unnið með mynstur eða spennu sem hafa mögulega sest í kerfið með tímanum.

Ég hef meðal annars lært shamaníska heilun, Reiki og sómatíska markþjálfun og legg áherslu á að mæta hverjum og einum þar sem hann er staddur. Hver tími er einstaklingsmiðaður og mótast af því sem kallar á athygli hverju sinni, með mýkt, nærveru og virðingu að leiðarljósi.