Blanda af djúpvefja- og slökunarnuddi.

Blanda af djúpvefja- og slökunarnuddi.

Í nándar- & kynlífsmarkþjálfun leitumst við eftir að skapa öruggt og styðjandi rými fyrir einstaklinginn til að skoða kynveruna sína og samband sitt við nánd og kynlíf. Þessi markþjálfun er sómatísk (líkamsmiðuð) þar sem áhersla er lögð á heildræna nálgun á líkama, huga og sál. Tímarnir byggjast upp á samtali og fjölbreyttum æfingum sem t.d. byggja á núvitund, samskiptum, öndun, hlustun á líkamann, viðbrögðum, mynstrum og fleiru. Ólíkt hefðbundinni samtalsmeðferð er líkaminn virkur þátttakandi í ferlinu þegar unnið er með sómatískri nálgun. Hver tími er sérsniðin að einstaklingnum og hans þörfum. ATH nauðsynlegt er að bóka kynningarsamtal fyrst.

Tímarnir byrja alla jafna á rólegu spjalli og lendingu, ásamt tei eða kakói ef fólk vill. Þar gefst rými til að fara yfir hvað þú vilt vinna með, ef eitthvað sérstakt er til staðar. Sumir koma með ákveðin viðfangsefni, á meðan aðrir koma einfaldlega til að fá djúpa slökun, endurnæringu og rými til að lenda í sjálfum sér. Í framhaldinu tekur við heilunarvinna þar sem ég flétta saman shamanískri heilun, Reiki og öðrum aðferðum sem ég hef lært í gegnum tíðina. Í lok tímans gefst síðan stund til að ræða upplifunina, það sem mögulega kom upp og hvernig þér líður eftir tímann. Sú shamaníska heilun sem ég hef lært horfir á manneskjuna sem heild — líkama, orkukerfi, tilfinningar og lífsreynslu. Hún getur stutt við dýpri slökun, aukna tengingu við sjálfa/n sig og unnið með mynstur eða spennu sem hafa mögulega sest í kerfið með tímanum. Ég hef meðal annars lært shamaníska heilun, Reiki og sómatíska markþjálfun og legg áherslu á að mæta hverjum og einum þar sem hann er staddur. Hver tími er einstaklingsmiðaður og mótast af því sem kallar á athygli hverju sinni, með mýkt, nærveru og virðingu að leiðarljósi.

Hefur þú áhuga á sómatískri nándar- og kynlífsmarkþjálfun? Ef svo er bókaðu frítt kynningarsamtal (myndsamtal í netheimum) þar sem þú getur spurt spurninga og ég segi þér nánar frá tímunum.