Fyrir líkama, orku og jafnvægi

Ég hef ástríðu fyrir heildrænni nálgun á líkama og líðan. Sem ÍAK einkaþjálfari og meðferðaraðili vinn ég með fólk af nærgætni og virðingu – þar sem markmiðið er að styðja við jafnvægi, vellíðan og innri styrk.

Í stað þess að „laga“, vinn ég með líkamanum, hlusta, styð og skapa öruggt rými þar sem líkaminn fær að finna sína leið til heilunar og vellíðunar.

Sara JÁ

Tíminn byrjar á léttu spjalli og metið það sem þarf að vinna með í þessum tíma. Getur verið blanda af öðrum þjónustum sem eru í boði en unnið er út frá þörfum hvers og eins.
Mælt er með að klæðast þægilegum íþróttafatnaði og sokkum í meðferðinni

Blönduð meðferð

Kinetic Chain Release (KCR) er hannað til að koma líkamanum í jafnvægi og laga líkamsstöðuna. Meiðsl eða röng líkamsstaða til langs tíma skapa vana í því hvernig vöðvarnir halda líkamsstöðunni, oft á þann hátt að það togar háls, hrygg og mjaðmagrind úr jafnvægi. Með fyrirfram ákveðinni röð af teygjum og hreyfingum hjálpum við líkamanum að komast í sitt náttúrulega vöðva- og stoðkerfisjafnvægi sem oft dregur úr aðstæðum sem valda verkjum og óþægindum. Ef um mjög langvarandi ástand er að ræða ráðlegg ég lágmark 5 skipti með frekar stuttu millibili til að ná sem bestum árangri fljótt.
Mælt er með að klæðast þægilegum íþróttafatnaði og sokkum í meðferðinni.

KCR (Kinetic Chain Release)

Bowen meðferð – öflugt verkfæri til að finna raunverulegan vanda í líkamanum með fáum, en áhrifaríkum hreyfingum sem styðja við heildarstarfsemi líkamans.

Meðferðin vinnur beint með miðtaugakerfið og mænuslíðrið, sem tengir saman heila, hrygg og líkamsstarfsemi. Þegar spennulosun á sér stað, getur líkaminn endurheimt jafnvægi og virkjað sitt innbyggða heilunarkerfi.

Bowen aðferðin á rætur að rekja til Toms Bowen og byggir á osteópatíu, kírópraktík og nálastungum. Hún er mild og átakalítil, en um leið öflug og einstaklingsmiðuð.

Bowen meðferð hentar bæði við stoðkerfisvandamál og sem leið til að draga úr spennu, bæta taugastarfsemi og auka almenna vellíðan. Allt með það að markmiði að styðja við líkama og taugakerfi á náttúrulegan hátt.
Gott er að mæta í tímann í léttum fötum og ekki of þykkum/stífum

Bowen meðferð – náttúruleg leið til betri líðan

REIKI heilun er japönsk heilunaraðferð og er heilun með léttri snertingu. Rei-ki er náttúrlækningakerfi sem hefur áhrif á lífsorkuna þína og allt sem henni viðkemur.
Reiki heilun hjálpar til við slökun taugakerfis, minnkar stress og kvíða, eykur núvitund, eflir ónæmiskerfið, léttir á verkjum og spennu.  Reiki er einnig talið hjálpa fólki við að bæta svefn, ná sér eftir aðgerð, auka vellíðan og innri ró. Reiki hjálpar þér að öðlast vellíðan, friðsæld, öryggi, traust og slökun.

Reiki heilun

Blönduð meðferð -ath lengri tími

Taoist and Buddhist Healing Arts

Tíminn er róleg og endurnærandi stund þar sem lögð er áhersla á að liðka stirða vöðva, mýkja bandvef og skapa betri tengingu við líkamann. Með markvissum teygjuæfingum, djúpum öndunum og mjúkum hreyfingum er unnið að því að losa um spennu sem hefur safnast upp í líkamanum — hvort sem hún kemur frá kyrrsetu, álagi eða daglegum verkefnum.

Tíminn hentar öllum, óháð reynslu, og er sérstaklega góður fyrir þá sem finna fyrir stirðleika, spennu eða vilja bæta hreyfigetu á mildan og nærandi hátt.
Mælt er með að klæðast þægilegum íþróttafatnaði í tímanum.