Kinetic Chain Release (KCR) er hannað til að koma líkamanum í jafnvægi og laga líkamsstöðuna. Meiðsl eða röng líkamsstaða til langs tíma skapa vana í því hvernig vöðvarnir halda líkamsstöðunni, oft á þann hátt að það togar háls, hrygg og mjaðmagrind úr jafnvægi. Með fyrirfram ákveðinni röð af teygjum og hreyfingum hjálpum við líkamanum að komast í sitt náttúrulega vöðva- og stoðkerfisjafnvægi sem oft dregur úr aðstæðum sem valda verkjum og óþægindum. Ef um mjög langvarandi ástand er að ræða ráðlegg ég fimm skipti.

REIKI heilun er japönsk heilunaraðferð og er heilun með léttri snertingu. Rei-ki er náttúrlækningakerfi sem hefur áhrif á lífsorkuna þína og allt sem henni viðkemur. Reiki heilun hjálpar til við slökun taugakerfis, minnkar stress og kvíða, eykur núvitund, eflir ónæmiskerfið, léttir á verkjum og spennu. Reiki er einnig talið hjálpa fólki við að bæta svefn, ná sér eftir aðgerð, auka vellíðan og innri ró. Reiki hjálpar þér að öðlast vellíðan, friðsæld, öryggi, traust og slökun.

Ég hef lokið fyrsta hluta í Bowen meðferð þar sem ég lærði að beita Pennington-greiningunni – öflugu verkfæri til að finna raunverulegan vanda í líkamanum og velja fáar, en áhrifaríkar hreyfingar sem styðja við heildarstarfsemi líkamans. Meðferðin vinnur beint með miðtaugakerfið og mænuslíðrið, sem tengir saman heila, hrygg og líkamsstarfsemi. Þegar spennulosun á sér stað, getur líkaminn endurheimt jafnvægi og virkjað sitt innbyggða heilunarkerfi. Bowen aðferðin á rætur að rekja til Toms Bowen og byggir á osteópatíu, kírópraktík og nálastungum. Hún er mild og átakalítil, en um leið öflug og einstaklingsmiðuð. Á þessu stigi vinn ég með svæði eins og háls, bak, rófubein, mjaðmagrind, psoas, kjálka og axlir – allt með það að markmiði að styðja við líkama og taugakerfi á náttúrulegan hátt. Bowen meðferð hentar bæði við stoðkerfisvandamál og sem leið til að draga úr spennu, bæta taugastarfsemi og auka almenna vellíðan.