Ásthildur hefur alltaf verið næm og hún telur að lífið sjálft hafi á margan hátt stuðlað að þróun miðilshæfileika hennar. 
Lífsreynslan, tengsl við fólk, námskeið og margvíslegar upplifanir hafa fleytt henni áfram í andlegum þroska. 
Ásthildur er sambands Spámiðill, OPJ meðferðaraðili, reikimeistari og hún hefur verið að þjálfa sig sem transmiðil og unnið með transheilun.
Hún hefur haldið námskeiðin: Þjálfun miðilshæfileikans, Transheilunarnámsskeið og Spáð í spilin – þau gömlu góðu. 
Markmið Ásthildar er að vinna af heiðarleika og að nýta vettvang alkærleikans fyrir sína vinnu.

Ásthildur Sumarliða

Hjálparmiðill og andlegur leiðbeinandi
Leiðsögnin er einstaklingsbundin og hver og einn fær þá aðstoð sem hann þarf mest á að halda. Farið er bæði inn á andlega og líkamlega þætti einstaklingsinn, eftir því sem þörf er á.  Þegar fólk stendur á krossgötum í lífinu, er oft gott að fá innsýn í það sem er að gerast, og útskýringar á, hvað gott væri að gera, til að leiðrétta stefnuna í lífinu. 

Stundin er í formi Spurt og Svarað, þar sem þyggjandin kemur undirbúinn með spurningar og ég leitast við að svara frá tengingum míns æðri máttar.

Aðstandendur og leiðbeinendur viðkomandi gera stundum vart við sig, og gefa góð ráð. 
Stundin samanstendur af spjalli/ leiðsögn og svo Trans heilun í lokin á bekk.  
Einnig er hægt að óska eingöngu eftir Trans heilun. 


Agnar Árnason

Sif er búin að vera næm alla tíð og alltaf haft áhuga á andlegum málum. Hún er búin að læra heilun, reiki, Englareiki og er Bowenþerapisti.
Sif er einnig með leiðsagnalestur i tarotspil og englaspil.
Hún býður upp á heilun og lestur í spilin 💜

Sif Svavarsdóttir

Ragnhildur Sumarliðadóttir býður upp á einkatíma í spámiðlun,Ragnhildur hefur sótt námskeið erlendis,í Arthur fyndleycollege,sótt námskeið,hérlendis þjálfað trans,miðlun,opj,reikiog heilun,einnig haldið,námskeyð,hérlendis og erlendis,er núna með þróunarhóp í þjálfun í félaginu,hún biður alla velkomna.

Ragnhildur Sumarliðadóttir

Sigríður Elín hefur alltaf verið næm og hefur verið í andlegum málum í ytfir tuttugu ár. Hún hefur verið í þróunarhringjum og þannig lært að þróa með sér miðilshæfileika sína, Sigríður starfar sem miðill, spámiðill og heilari. Hún býður upp á heilun með miðlun. (Sambandsheilun)

Í einkatímum í miðlun miðlar Sigríður skilaboðum frá ættingjum, vinum eða leiðbeinendum.

Heilun með miðlun er mjög àhrifarík meðferð með  einstaklingsmiðuðum tímum sem samanstanda af skilaboðum frá ættingjum og/eða leiðbeinendum sem koma með mikilvæg skilaboð varðandi heilsu, fjölskyldu, einkalíf, vinnu eða skóla. Þá er einnig mikil heilun í gangi á meðan á tímanum stendur, bæði líkamleg og andleg ásamt leiðsögn og svörum að handan hvað varðar þá  hluti sem skipta mestu máli fyrir viðkomandi.

Hún býður einnig upp á heilun dýra í heimahúsi eða þar sem dýrið er statt.

Sigríður Elín býður upp á tíma á ensku fyrir þá sem þurfa.

Auk einkatíma í Skipholti 50d býður Sigríður upp á  símatíma eða myndspjall.

Sigríður Elín Olsen

Sigríður Kristín hefur starfað sem hjúkrunarfræðingur í yfir 30 ár, síðast á líknardeild og móttökugeðdeild, en í því starfi hefur oft komið sér vel að búa að næmni og sterku innsæi. Hún hefur auk þess lokið B.Sc. gráðu í Nutritional Medicine, næringarfræði sem byggir ma. á kenningum Náttúrulækninga og Functional Medicine. 

Þjálfun Sigríðar Kristínar í andlegum málum hófst um 2010 í Noregi hjá Jennifer Mackenzie og síðar tóku við námskeið m.a. hjá Sheilu French og Tim Abbott í Bretlandi, Sigurði Kristinssyni, Sirrý Berndsen, Garðari Jónssyni og fleiri miðlum hjá Sálarrannsóknarfélagi Íslands. 

Í einkatímunum er leitast við að efla heilbrigði og bæta líðan með því að vinna bæði með líkama og sál. Þar er blandað saman lífeðlisfræði, næringarfræði, hjúkrunarfræði og orkuvinnu.   

Sigríður Kristín Sverrisdóttir

Sambandsmiðlun

Hafdís vinnur með  sambandsheilun þar sem oft koma ættingjar, vinir og fleiri í heimsókn með skilaboð, minningar eða bara til að koma og vera með á meðan heilun stendur yfir. Enginn tími er eins og því ekki alltaf sem einhver gerir vart við sig en heilunin og þær ljósverur sem vinna með Hafdísi eru ávallt til staðar. 

Hafdís endar alla tíma á því að skrifa niður skilaboð og fleira sem kemur á meðan á tímanum stendur, misjafnlega mikið og einnig ef eitthvað kemur á meðan hún situr og skrifar. Viðkomandi getur svo tekið það með sér heim. 
Á meðan liggur viðkomandi og heldur afram að taka við þeirri heilun sem enn er í vinnslu þar til hún slítur tímanum.
Tíminn er um 50-70 mínútur

“Það er ekki hægt að segja að ég sé ekki búin að vera með aðra höndina í þessum málum síðan ég var rúmlega tvítug, því í mörg ár hef ég miðlað og heilað ættingja og vini, farið á námskeið og fundið fyrir, heyrt og séð. 
Enn með hjálp frá yndislegu fólki og vina minna að handan hef ég hafið það góða og fallega starf að heila og miðla til þeirra sem það vilja..
Hafdís Arinbjarnardóttir





Hafdis Arinbjornsdottir

Bryndís Emilsdóttir, miðill 

Fyrrilífsdáleiðsla 

 

Bryndís Emilsdóttir hefur allt frá barnæsku verið næm og haft mikinn áhuga á andlegum málum. Hún lærði hjá Friðbjörgu Óskarsdóttur í Kærleikssetrinu en hefur einnig sótt námskeið í miðlun, transmiðlun og heilun hjá hinum ýmsu miðlum, bæði íslenskum sem og erlendum, t.d. Tím Abbott, Isabella Duchene og Steven Upton.  Bryndís var í stjórn Sálarrannsóknarfélags Íslands til margra ára og forseti félagsins 2015-2017. 

Bryndís hefur boðið upp á einkatíma bæði í transheilun og miðlun, en fræðslan hefur samt alltaf verið henni hjartfólgnust og hefur hún leitt þróunarhópa frá árinu 2008 - 2021, fyrst í Kærleikssetrinu en síðan hjá Sálarrannsóknarfélagi Íslands þar sem hún aðstoðaði fólk við að stíga sín fyrstu skref í andlegri vinnu en vann einnig með framhaldshópa með aðaláherslu á miðlun og heilun. 

Fyrrilífsdáleiðsluna sem hún nú býður uppá lærði hún hjá Vigdísi Steinþórsdóttur. 

 

Fyrrilífsdáleiðsla og dáleiðsla eru ekki ólíkar hugleiðslu. Farið er með góðri slökun inn í dulvitundina og eitt eða fleiri fyrri líf skoðuð með það að markmiði  að bæta líðanina í dag. Hægt er að vinna með hin ýmsu vandamál á þennan hátt og góð og djúpstæð heilun getur fengist við það að sleppa tökunum á einhverju gömlu sem gagnast ekki lengur og gæti verið að valda vanlíðan í lífinu í dag. En ekki allar eldri upplifanir eru neikvæðar, stunum koma þær til manns til að minna á þann styrk sem býr innra og gleði sem hægt er að taka með sér til að lýsa upp lífið í dag. Nú eða bara til að gefa okkur skilning á því af hverju við erum eins og við erum. Því með skilninginn að vopni getum við fyrirgefið okkur sjálfum eigin galla og metið kosti okkar. Margir eru í sjálfsleit nú á tímum og dáleiðsla/fyrrilífsdáleiðsla hjálpar þar mikið. Bryndís mun leiða viðkomandi áfram í þessu ferli að losa og leysa upp hið liðna en jafnframt hjálpa til við að styrkja og bæta hið jákvæða með kærleiksljósi og heilunarorku. 

Gott væri gott ef viðkomandi hefði aðeins íhugað hvað hann myndi vilja vinna með áður en mætt er í tímann. Það gætu verið t.d. tilfinningar, samskipti, líkaminn nú eða bara það sem gagnaðist best í dag. Viðkomandi mun vita af sér allan tímann og geta svarað spurningum. Engin hætta er á að eitthvað sé sagt eða gert sem viðkomandi ekki vill sjálfur. 

 

 

Bryndís Emilsdóttir

Les í skrift og lófa og lærði slíkt af móður sinni. Hefur spáð fyrir fólki síðan hún var unglingur við góðar undirtektir og vinir og ættingjar hafa löngum leitað til hennar með spurningar og vangaveltur um framtíðina.

Spurningar eru skrifaðar á blað sem Helga les svo úr. Gott er að vera búin að semja spurningarnar fyrirfram Nákvæmar spurningar gefa þeim mun betri og nákvæmari svör.

Helga Sif Sveinbjarnardóttir

Hefur starfað sem Heilsu og Hjálparmiðill
Hann býður uppá einkatíma eftir samkomulagi.
Hann vinnur einnig með fjarheilun og fyrirbænir
og fjarfundi. Hann hefur fengist við andleg störf
alla tíð og opinberlega frá 2015
Tíminn er milli 40 og 50 min.

Einar Axel Schiöth

Valgerður er spámiðill og vinnur með spil sér til hliðar.
Valgerður hefur unnið að andlegum málefnum síðan 2009. Þar að auki er Valgerður sjálfstætt starfandi rithöfundur og grafískur hönnuður og hefur hún gefið út bækur, andleg spil og hannað fyrir ýmis fyrirtæki. Valgerður hefur haldið Jóga námskeið fyrir börn með greiningar og Jóga Nidra námskeið fyrir fullorðna. Hún er einnig Reikimeistari og hefur boðið upp á einkatíma í heilun og höfuðbeina- og spjaldhryggsjöfnun. Að lokum er Valgerður markþjálfi og leyfir hún þeirri menntun að flæða inn í einkatímana.

Valgerður Bachmann 

Jón Lúðvíks hefur starfað opinberlega síðan 2007 og bíður upp á einkatíma í miðlun, Trans fundi og orku heilun.

Hann hefur haldið námskeið í miðlun, Trans og orku heilun.

Jón Lúðvíks hefur hjálpað Trans hringjum og Bænahópum. Einnig setið sjálfur í Trans hring þar sem Gosi kemur í gegn og fræðir fólk.

Haldið Skyggnilýsingar, ýmsa viðburði og fræðslur tengd andlegum málefnum um allt land og utan landsteinana. 

Mikið hefur verið leitað til hans vegna orku í húsum og barna sem eiga erfitt með að skilja sínar tengingar við andans heim.

Jón hefur sótt fjölda námskeiða erlendis í gengum árin. 

Hann hefur mikið frætt fólk um einfaldleika tengingar við andans heim/orkuna.



Jón Lúðvíks

Sif Yraola starfar sem heilari, orkumiðill og innsæismarkþjálfi.

Hugsaðu þér hvernig lífið væri ef þú værir í betra flæði og í sterkari tengingu við lífstilgangin þinn? Sif Yraola starfar sem heilari, orkumiðill  og leiðbeinir þér við að tengjast sálarkjarnanum þínum (soul essence).  Í heiluninni sem á sér stað ertu velkomin í djúpt innra ferðalag þar sem við hreinsum ómeðvitaðar hindranir sem við fjarlægjum á öllum stigum vitundar þinnar. Sif er orkumiðill sem notast við söngröddina sína, sérstakar ljósbylgjur með heiluninni sem á sér stað sem magnast upp með tónlist sem hlustað er á í tímanum. Hún leiðbeinir þér við að tengjast þínum eigin kjarna og hreinsa út allt sem stendur í vegi fyrri þeirri tengingu. 

Sif bíður upp á áruhreinsun, karma hreinsun, innsigla hreinsun og DNA virkjun. Hún starfar einnig sem markþjálfi og gefur lestur frá innsæinu sínu. Hún hefur í mörg ár unnið með andleg málefni og stofnaði þar á meðal andlegt og skapandi setur í Amsterdam. Hún hefur djúpa visku og gefur innsýn inn í líf fólks með það helsta markmið að gefa fólki rými til að finna sína eigin óhindraða tengingu við sitt æðra sjálf og finna fyrir meira flæði og rými í lífinu sínu. 

Sif Yraola


Helen er búin að vera í andlegum málefnum í mörg ár. Hún er Reikimeisti og heilari. Hún hefur fengið þjálfun hjá Garðari Jónssyni, Guðrúnu Ólafsdóttur, Sigrúnu Gunnarsdóttur og Ásthildi Sumarliða ásamt öðru góðu fólki. 

Helen býður upp á heilun og spá í spil 


Helen Símonarson

Gló Inga Friðriksdóttir

Þegar að hún spáir fyrir fólki fer hún inn á hvað hefur verið að gerast í þeirra lífi og hvað er framundan hjá því.

Hún getur leiðbeint hvert það á að leita eða hvert skal stefnt í lífinuSunna Árnadóttir er fædd í Vestmannaeyjum 1955.  Hún spáir í bolla og notar þrennskonar spil: Rúnarspil, víkingaspil og tarrotspil. 

Sunna hefur verið sjáandi frá barnæsku og lærði af móður sinni að spá í bolla. 

Sunna er með símaspá á þriðjudögum 16.00-18.00 og frá 19.30 - 21.30.

Símaspá, er greidd með símagreiðslu hjá skrifstofu Sálarannsóknarfélagsins.
Skrifstofan er opin 
Mánudaga - fimmtudaga frá 13:00-16:00

Sálarrannsóknarfélag Íslands

Fólkið