Bowen Cranio er mild, djúpverkandi og einstaklega róandi meðferð þar sem tvær áhrifaríkar aðferðir eru sameinaðar: Bowen bandvefslosun notar léttar, nákvæmar hreyfingar yfir vöðva og bandvef sem örva sjálfsheilunarferli líkamans. Þetta stuðlar að verkjalosun, dýpri slökun og aukinni orku. Höfuðbeina- og spjaldhryggjarmeðferð vinnur með miðtaugakerfið og flæði mænuvökvans. Hún stuðlar að betri taugaboðum, innri ró og jafnvægi í líkamanum. Skekkjur eða spennur í höfuðbeinum og spjaldhrygg geta truflað starfsemi taugakerfisins – meðferðin hjálpar til við að losa þær hindranir. Þessi samsetta meðferð hjálpar þér að losa uppsafnaða spennu, líkamlega sem andlega, og hentar vel við verkjum, stoðkerfisvanda, streitu, meltingaróþægindum, svefntruflunum og almennu ójafnvægi. Meðferðin er einstaklingsmiðuð, mjúk og hentar öllum, líka þeim sem eru í bataferli eða þurfa á djúpri slökun að halda.

Prana heilun – tenging við lífskraftinn. Prana er lífskraftur, orkan sem gefur okkur líf og streymir í gegnum allt í alheiminum. Í Prana heilun er unnið með þessa orku með sérstakri öndun, bæði hjá þeim sem veitir heilun og þeim sem þiggur hana. Heilari notar ekki sína eigin orku heldur tengir sig við Prana orkuna – hreina lífsorku alheimsins. Með því að nota þessa öndun reglulega dýpkar tengingin við eigin orku, líkama og innri visku. Þú lærir að greina hvað gefur þér kraft, hvað nærir þig og styður við þína velferð. Um leið getur þú sleppt því sem dregur úr þér og skapar orkuleysi. Öndunin sem notuð er í Prana heilun er einföld en kraftmikil – og getur haft djúpstæð áhrif á líðan, jafnvægi og vellíðan í daglegu lífi.

Tíminn byrjar á 30-40 mínútna bandvefslosun þar sem líkaminn slakar og við það fer í gang ferli í bandvef líkamans til að laga það sem í ólagi er og koma á eðlislegu jafnvægi. Þegar unnið er með bandvefinn á þennan hátt losnar um spennu og við það verður verkjalosun og endurnýjun á orku. Tíminn endar svo á 15 mínútna prana heilun þar sem opnað er fyrir orkukerfin, þú fyllist af orku og öll vinnan á undan er innsigluð. Bowen og prana vinnur mjög vel saman og þú endurnærist á líkama og sál.

Tíminn hefst á vinnu á bekk með Selfica verkfærum. Selfica er tækni sem tengir okkur við lífsorku náttúrunnar og visku alheimsins en hún byggir á frumformi alheimsins, spíralnum sem og geometríu. Með Selfica er lífsorka frá náttúrunni notuð til heilunar, jafnframt tengir selfica okkur við synchronisity (sem við köllum flæði á íslensku). Tímanum lýkur á pranaheilun.