Arnór býður upp á sálfræðimeðferð fyrir fullorðna með áherslu á kvíða og þunglyndi. Í meðferð styðst hann við gagnreyndar aðferðir, einkum hugræna atferlismeðferð (HAM) við kvíðaröskunum t.d. almennri kvíðaröskun, félagskvíða, ofsakvíða, sértækri fælni og atferlisvirkjun við þunglyndi.

Arnór lauk BS- og MS-námi í sálfræði við Háskóla Íslands. Í námi sínu öðlaðist hann reynslu af sálfræðilegri greiningu og meðferð, meðal annars hjá Sálfræðiráðgjöf Háskóla Íslands og Kvíðameðferðarstöðinni. Lokaverkefni hans fjallaði um meðferð við þunglyndi og þar öðlaðist hann jafnframt reynslu af beitingu atferlisvirkjunar við þunglyndi.

Áður starfaði Arnór sem stuðningsfulltrúi á geðsviði Landspítala. Í starfi sínu leggur hann áherslu á að meðferð byggi á gagnreyndum aðferðum og sé sniðin að þörfum og markmiðum hvers og eins.

Arnór Ingi Egilsson

sálfræðingur

Guðjóna sinnir mest meðferð vegna kvíðaraskana eins og félagsfælni, kvíðaköst/ofsakvíða, áhyggjuvanda/ofhugsunar (almenn kvíðaröskun), fælni og þráhyggju og áráttu. Að auki hefur hún lagt sig eftir meðferð við þunglyndi og lágu sjálfsmati.

Guðjóna Björk Þorbjarnardóttir

sálfræðingur

Íris sinnir mest meðferð áhyggjuvanda/ofhugsana (almenn kvíðaröskun), meðferð vegna áfalla, afleiðinga áfalla og áfallastreituröskunar, lágs sjálfsmats, kvíðakasta/ofsakvíða og þráhyggu og áráttu (OCD). Íris er í áfallateymi og OCD teymi Kms. Hefur lokið grunnþjálfun í EMDR.

Íris Sverrisdóttir

sálfræðingur

Kristín sinnir mest meðferð vegna þráhyggju og áráttu (OCD), áhyggjuvanda/ofhugsunar (almenn kvíðaröskun), heilsukvíða og fælni s.s. geitungafælni og ælufælni. Kristín er í OCD teymi Kms.

Kristín Ingimarsdóttir

sálfræðingur

Kristjana sinnir meðferð vegna áfalla, afleiðinga áfalla og áfallastreituröskunar, lágs sjálfsmats og tengsla- og samskiptavanda. Kristjana leiðir áfallateymi Kms samhliða meðferðarstörfum.

Dr. Kristjana Þórarinsdóttir

sálfræðingur og sérfræðingur í klínískri sálfræði

Dr. Kristján Helgi Hjartarson

sálfræðingur

Sóley sinnir mest meðferð vegna átraskana, áfalla, afleiðinga áfalla og áfallastreituröskunar, áhyggjuvanda/ofhugsana (almenn kvíðaröskun), lágs sjálfsmats og allra kvíðaraskana almennt. Sóley hefur mikla reynslu af meðferð átraskana en hún starfaði í átröskunarteymi LSH áður en hún hóf störf við Kms. Auk þess hefur Sóley lokið sérnámi í hugrænni atferlismeðfer og er í áfallateymi Kms.

Sóley Siggeirsdóttir

sálfræðingur og sérfræðingur í klínískri sálfræði

Sigurbjörg sinnir mest meðferð vegna þráhyggju og áráttu (OCD), ofsakvíða með/án víðáttufælni, fælni s.s. ælufælni, köngulóafælni, hundafælni, blóð/sprautufælni og hvers kyns kvíða og ótta. Sigurbjörg gegnir stöðu yfirsálfræðings á Kms og leiðir OCD teymi stöðvarinnar. Sigurbjörg hefur lokið sérnámi í hugrænni atferlismeðferð og grunnþjálfun í EMDR. Sigurbjörg er með aðild að rammasamningi sálfræðinga og tekur við tilvísunum frá heilsugæslum.

Sigurbjörg Jóna Ludvigsdóttir

Þórdís Halldóra Sigurðardóttir 

sálfræðingur

Sigurður sinnir mest meðferð félagsfælni, þunglyndis og kvíðakasta/ofsakvíða hjá Kms. Sigurður hefur mjög miklar reynslu af meðferð félagskvíða og er í doktorsnámi tengt rannsóknum á meðferð þunglyndis samhliða sálfræðistörfum við Kms.