Þessi meðferð byggir á þeirri hugmynd að náttúrulegur taktur í líkamanum – sérstaklega í vökvanum sem umlykur heilann og mænuna – skipti miklu máli fyrir almenna heilsu. Ef truflanir verða á þessum takti, til dæmis vegna álags, tognunar eða stífra vöðva, getur það haft áhrif á líkamlega og andlega vellíðan. Meðferðin felst í mjög mjúkum, handvirkum snertingum sem miða að því að losa um spennu í höfuðkúpu, hrygg og spjaldhrygg. Þetta hjálpar líkamanum að finna aftur eðlilegan takt og stuðlar að aukinni slökun, betri líkamsstarfsemi og jafnvægi – bæði líkamlega og andlega. Þessi meðferð hentar vel fyrir alla sem vilja draga úr streitu, losa um spennu og styðja við heildræna heilsu.

Reiki er róandi og náttúruleg heilunarmeðferð þar sem lífsorka streymir í gegnum hendur meðferðaraðilans og stuðlar að betra jafnvægi í líkamanum. Meðferðin getur hjálpað til við að losa um spennu, draga úr streitu og styrkja bæði líkamlega og andlega vellíðan. Reiki á rætur sínar í fornum austrænum heilunarhefðum, þar sem orkujafnvægi hefur verið lykilatriði í heilsu og líðan í aldanna rás. Meðferðin er afar mild, en getur haft djúp áhrif – hvort sem þú leitar þér hvíldar, innri róar eða stuðnings við bataferli. Heilunarhefðir eru meðal elstu lækningaraðferða og hafa verið mikilvægur þáttur í indverskum og kínverskum læknishefðum, sem eiga rætur sínar í einna elstu lækniskerfum heims.

Orkumeðferð sem leiðir þig í djúpt hugleiðsluástand og virkjar innri lækningarmátt líkamans. Ferlið róar taugakerfið og getur leitt til ýmissa upplifana – allt frá djúpri slökun til tilfinningalegra eða líkamlegra losana, sem birtast oft sem titringur, ósjálfráðar hreyfingar eða orkuskipti. Leiðbeinandi virkjar ákveðna orkupunkta á líkamanum, á meðan tónlist styður við innra ferðalag þitt. Hver tími er einstakur – gefðu eftir og leyfðu orkunni að flæða.

Eins og er þá býð ég upp á hóptíma í EDEN Yoga - hægt er bóka beint í gegnum heimasíðuna þeirra. Stakir viðburðir á öðrum stöðum verða auglýstir síðar. https://www.edenyoga.is/

Ef þú ert óviss um hvaða meðferð hentar þér best, getum við byrjað á því að hittast og ræða valkostina til að finna þá nálgun sem hentar þér best.