Hjá heyrnarþjónustunni Heyrn starfa löggiltir heyrnarfræðingar sem bjóða upp á faglega heyrnargreiningu og ráðgjöf. Heyrnargreining felur í sér skoðun á hlusti, mælingu á hljóðhimnu, heyrnarmælingu og talgreiningu. Farið er yfir niðurstöður mælinganna og veitt ráðgjöf með framhaldið.

Fyrir flesta er það mikil breyting að byrja að nota heyrnartæki, þess vegna er eðlilegt að koma aftur og fá fínstillingu á tækin og fá nánari leiðbeiningar. Það er einstaklingsbundið hversu oft þarf að fínstilla.

Við bjóðum upp á mótatöku á eyrum með Otoscan sem 3D skannar hlustina. Einnig er hægt að fá mót af hlustum með hefðbundnum leir. Hægt er að skoða úrvalið af heyrnarsíum inn á heimasíðu okkar. https://heyrn.is/product/sersmidi/