Númi hefur rekið heilsu- og líkamrsæktarstöð síðastliðin 12 ár. Hann er íþróttamaður í húð og hár, fyrrum landsliðsmaður í sundi, menntaður nuddari frá Nuddskóla Íslands og útskrifaður einkaþjálfari frá einkaþjálfaraskóla Eleiko í Svíþjóð. Hann hefur lokið námi í Chi Nei Tsang orkunuddi  ásamt því að vera búinn með fjöldan allan af námskeiðum er snerta á hreyfingu og þjálfun (Swami öndunartækni, Synergistics, Mobility námskeið, 3D námskeið, Ólý námskeið, námskeið í prógrammeringu, fimleika námskeið, ketilbjöllunámskeið o.fl.). Númi hefur gríðarlega mikla reynslu bæði sem nuddari og þjálfari en hann hefur einstaklega  gott auga fyrir hreyfimynstri fólks. Númi hefur mikinn áhuga á að læra meira og bætir sífellt við sig þekkingu. Eitt af hans mottóum er “Ones you stop learning you stop living” en þannig hefur Númi einmitt þróast mikið sem nuddari og þjálfari í gegnum árin. Hann er sem stendur í  námi hjá CHEK Institute þar sem fókusinn er á heildræna nálgun í þjálfun.  

Númi Snær Katrínarson

Djúpvefjanudd fyrir þá sem vilja losna við spennu, hnúta og verki. Til að geta farið dýpra inn í líkamann er nudddýnan á gólfinu (ekki bekkur). Æskilegt er að mæta í léttum klæðnaði eins og stuttbuxum og íþróttatoppi/hlýrabol (konur). Athugið að æskilegt er að þeir sem eru að mæta í fyrsta tíma velji 90 mín tíma (ekki 60 mín). 

Bandvefslosun (90 mín)

Kínverskt líffæranudd sem eykur bæði andlega og líkamamlega líðan, kallað, Chi Nei Tsang, er ævaforn kínversk lækningaaðferð sem er nú farin að njóta sífellt meiri vinsælda á Vesturlöndum.
Nuddið kemur hreyfingu á meltinguna og hjálpar líffærunum að vinna á skilvirkari hátt ásamt því að auka afeitrun á magasvæðinu. Í líffæranuddi er unnið í kringum naflasvæðið, einnig eru innri líffærin nudduð á borð við maga, þind, lifur, milta, nýru, lungu, smáþarma og ristil. 
Líffæranudd getur verið gagnlegt fyrir einstaklinga sem glíma við streitu, meltingarvandamál, kvíða, verki, hægðatregðu/niðurgang, magaþembu, bólgur í meltingarvegi og fleira. Nuddið er einnig fyrir þá sem vilja stuðla að heilbrigði líffæranna og hámarka blóðflæði til þeirra. Til að geta farið dýpra inn í líkamann er nuddað á nudddýnu á gólfinu. Æskilegt er að mæta í léttum klæðnaði eins og stuttbuxum og íþróttatoppi/hlýrabol (konur).



Líffæranudd (Chi Nei Tsang)

Fyrir þá sem vilja losna við spennu, hnúta og verki á ákveðnu svæði. Unnið er á því svæði sem þarf að losa um, t.d. vegna stífleika eða verkja í baki eða hálsi o.s.frv. Athugið að þetta er ekki heilnudd. Til að geta farið dýpra inn í líkamann er nudddýnan á gólfinu (ekki bekkur). Æskilegt er að mæta í léttum klæðnaði eins og stuttbuxum og íþróttatoppi/hlýrabol (konur).

Bandvefslosun (60 mín)

Í viðtalstímanum er farið í heildræna ástandsskoðun og núverandi ástand líkamans skoðað. Farið er í mataræði og lífshætti almennt. Því næst ræðum við markmið og drauma en út frá þeim og ástandsskoðun er einstaklingsmiðað æfingaplan útbúið sem miðar að bættri heilsu og aukinni alhliða vellíðan. 

Eftir viðtalstímann er framhaldið ákveðið sem getur annað hvort falið í sér einkatíma í hreyfingu og/eða nuddi ásamt sérsniðnum heimaæfingum eða eingöngu heimaæfingum. Myndbönd fylgja. Snið einkatíma og heimaæfinga fer eftir því á hvaða stað viðkomandi er og hvert vandamálið er ef sérstakt vandamál er til staðar. 

Viðtal & ráðgjöf

Einstaklingsmiðuð þjálfun fyrir þau sem eru tilbúnin að taka heilsuna föstum tökum. Þjálfunin hentar vel þeim sem eru eða hafa verið að eiga við eymsli og/eða meiðsli þar sem markmiðið er að finna rót vandans og vinna úr frá henni. Áhersla er á að styrkja og efla líkamann með hreyfingu og bættu mataræði, auka líkamsmeðvitund og líkamsstöðu.
Í tímunum verður m.a. lögð áhersla á eftirfarandi: 

- Styrkja innri kerfi líkamans
- Hreyfimynstur
- Samhæfing líkamans
- Liðleiki, stöðugleiki, styrkur og úthald
